Ish-kryeministri i Kosovës, njëherësh deputet i Kuvendit të Kosovës nga Lidhja Demokratike e Kosovës, ka reaguar pasi një pjesë e madhe e Kosovës është nën ujë si pasoj e vërshimeve nga reshjet e ditëve të fundit, përcjell InLajmi.
Hoti, ka kritikuar qeverisjen aktuale për mos angazhimin e marrjes së masave parandaluese, sepse thotë ai me kohë janë bërë paralajmërime për reshje e vërshime.
Tutje,Hoti sikur ka dashur të bëjë me dije Qeverisë se duhet të merret me situatën e krijuar në vend pas reshjeve të shiut , derisa ka thënë se rreziku nga vërshimet vazhdon ende.
Postimi i plotë i tij:
Për shkak të reshjeve, janë shkaktuar dëme në disa qytete dhe fshatra të Kosovës. Rreziku ende nuk ka kaluar. Kosova, në “regjimet e kaluara, gjatë 20 viteve të fundit”, e ka ndërtuar sistemin për reagim në situata të tilla. Reshjet janë paralajmëruar me kohë nga Instituti Hidrometeorologjik i Kosovës dhe, rrjedhimisht, do të duhej të ishin ndërmarrë veprimet e nevojshme nga institucionet përgjegjëse. Të gjithë akterët duhet të jenë në teren në gatishmëri për të vepruar në rast nevoje, si dhe për të riparuar dëmet në infrastrukturë dhe për të ndihmuar menjëherë rastet më në nevojë./InLajmi/
