Dita e së dielës doli të ishte fatale për një familje në Malësi të Madhe, ku si pasoje e vërshimeve një veturë e merr rrjedha e ujit ku nga 3 pasagjerë 2 nuk arritën të dalin nga makina në ujë dhe një femër doli e gjallë, përcjell InLajmi.
Trupat e 2 viktimave babë e bir, të cilët u rrëmbyen ditën e djeshme nga rrjedha e ujit në Bogë të Shkodrës, janë gjetur pas disa orë kërkimesh.
Këtë e bëri të ditur Policia Shqiptare RENEA, ku sipas njoftimit thuhet se pas 16 orë kërkimesh arrihet të gjinden trupat e pa jetë.
Njoftimi i plotë i Policisë Shqiptare:
Malësi e Madhe, Shkodër/Informacion shtesë
Në vijim të informacion të dhënë mesditën e djeshme se në vendin e quajtur “Grykë Lugje”, në njësinë administrative Shkrel, Malësi e Madhe, rrjedha e ujit të përroit kishte marrë përpara një automjet me të cilin udhëtonin tre persona, banorë të zonës, (babai, djali dhe vajza), ju bëjmë me dije se:
Pas 16 orë kërkimesh intensive, gjatë pasdites së djeshme, gjatë natës dhe gjatë mëngjesit të sotëm, nga polumbarët e RENEA-s, grupi i evakuim-shpëtimit, grupi alpin i FNSH Shkodër, emergjencat civile dhe shërbimet e Komisariatit të Policisë Malësi e Madhe, në gjatësinë e përroit, në Bogë, u bë e mundur gjetja e dy trupave (babë e bir)./InLajmi/
