Në organizim të Odes së zejtarëve të Prizrenit, në bashkëpunim me Odën e zejtarëve nga Koblenzi i Gjermanisë, sot në Prizren u mbajt seminari me temën; “Formimi profesional praktik dhe modern, përparësitë për ekonominë dhe shoqërinë, shembulli i dyfishtë” , raporton InLajmi
Para një numri të madh të zejtarëve, përfaqësues të bizneseve, të Shkollës profesionale “11 marsi” në Prizren, si dhe nga Ministria e Arsimit, Afrim Tejeci, kryetar i Odes së zejtarëve në Prizren, foli për sfidat, me të cilat sot po ballafaqohen zejtarët jo vetëm në qytetin buzë Lumbardhit por edhe në kosovë. –“Dikur zejtaria ishte dega më e zhvilluar në vend, duke kontribuar edhe në zhvillimin e mëtejmë ekonomik të vendit. Kurse në dekadën e fundit, në mungesë të mbështetjes së mirëfilltë institucionale dhe të ligjeve mbi zejtarinë, shumë zeje janë mbyllur, ose janë në zhdukje e sipër. Ndaj, nga institucionet tona lypset një infuzion urgjent, që zejtaria si pjesë i ekonomisë së mesme, të ngrtiet në këmbë dhe të ndihmoj në zhvillimin e mëtejmë ekonomik të vendit”.
Afrim Tejeci foli edhe për rëndësinë e themelimit të një Ode nacionale në nivel vendi, si dhe për rëndësinë e mbështetjes të shkollave profesionale.
Për funksionalizimin e shkollave profesionale si dhe për përvojat e shtetit gjerman për mbrojtjen dhe përparimin e zejtarëve, foli Dr. Evelina Pavanova, nga oda e zejtarëve dhe të artizanateve nga Koblenzi i Gjermanisë, i cila tha se, Shkollat profesionale prodhojnë kuadro të duhura për ekonominë e një vendi, veçmas kur kemi të bëjmë me zejtarinë dhe artizanatet. Edhe këtu në Prizren dhe në Kosovë, me një mbështetje të duhur institucionale, zejtarët jo vetëm që do të mund të mbijetojnë, por edhe të jenë, krah i zhvillimit ekonomik të vendit, – përfundoi Dr. Pavanova .
Ndërkaq, Agim Krasniqi, nga deprtamenti i shkollimit profesional, në Ministrinë e arsimit të Kosovës, foli për rëndësinë e shkollave profesionale që mund të prodhojnë kuadro për tregun e punës. Ai poashtu theksoi se njëra ndër prioritetet e Ministrisë në ostrategjinë e arsimit për periudhën e viteve
2022/2026, është edhe arsimi profesionali shkollarëve tanë, duke kontaktuar me bizneset dhe kompanitë për nevojat dhe kërkesat e tyre.
Të theksojmë se në fund të këtij seminari, dhjetra nxënës të shkolls profesionale “11 marsi”, në Prizren, para të pranishmëve performuan për shkathësitë e tyre të mara në shkollë, si dhe gjatë vizitës që i kanë bërë shkollave profesionale në Koblenz të Gjermanisë. Osman Goranci/InLajmi/
