Kompania Rajonale e Ujësjellësit “Prishtina”, njofton se për shkak të reshjeve atmosferike që kanë vazhduar ditë me radhë, janë krijuar problem me furnizim me ujë për shkak të trubullirave, ndërsa janë detyruar që të ndërprejn furnizimin në disa qytete, si në Fushë Kosovë, Drenas, Obiliqi dhe një pjesë e lagjes Kalabria gjithashtu do të mbesin pa ujë të pijshëm, përcjell InLajmi.
Sipas KRU-së, turbullira në kanalin e Ibrit e bën të pamundur trajtimin e ujit në Shkabaj.
Në njoftimin zyrtar nga Kompanie Ujësjellësit Rajonal Prishtina, ndër të tjera thuhet se “Si pasojë e reshjeve të dendura të shiut ditët të fundit, janë rritur edhe rrjedhjet sipërfaqësore në zonat fushore dhe pastaj të njëjtat në disa raste kanë përfunduar te kanali i Ibër Lepencit, kanal prej të cilit merret uji i pa përpunuar për t’u trajtuar pastaj për pije ITU Shkaba”.
“Si shkak i kësaj, kemi nivel të lartë të turbullirës, nivel që bënë të pamundur trajtimin e ujit për pije, konform standardeve dhe teknologjisë që posedojmë. Me qëllim që të ruajmë kualitetin e ujit për pije, jemi të detyruar të ndërpremë furnizimin me ujë të pijshëm Fushë Kosovën, lagjen Kalabria në Prishtinë një pjesë, Drenasin dhe Obiliqin”, thuhet tutje në njoftimin e KRU Prishtina.
Bëhet e ditur se furnizimi me ujë të pijshëm nuk do të kthehet deri sa të lejojnë kushtet që të bëhet trajtimi i ujit dhe të garantohet cilësia e tij.
“Përveç ndërprerjes së detyrueshme të furnizimit me ujë të pijshëm për këto zona, në momentin që kushtet lejojnë që uji të trajtohet dhe të garantohet cilësia e duhur pas trajtimit, ne do e rikthejmë gjendjen normale me trajtim dhe furnizim. Ne kemi dhënë një orar për Komunën e Fushë Kosovës dhe iu kemi përmbajtur në përpikëri, edhe pse një numër i konsumatorëve janë ankuar se ujë nuk kanë ende”, sqaron njoftimi zyrtar i KRU-së
“Arsyeja është që, pjesa dërmuese e konsumatorëve të Fushë Kosovës kanë rezervuar të mëdhenj në ndërtesa kolektive dhe derisa t’i mbushin ata me ujë, sasia e ujit që e ofrojmë harxhohet dhe se pikat e larta mbesin pa furnizim me ujë. Jemi mobilizuar të gjithë teknikisht edhe me akterët e tjerë si NH Ibër Lepenci për stabilizimin sa më të shpejtë të situatës. Deri në orët e pasdites gjendja është e tillë dhe nëse nuk ka reshje besojmë që pastaj stabilizohet”, përfundon KRU “Prishtina”./InLajmi/
