Presidentja e Kosovës, Vjosa Osmani ka pritur në takim kongresistin amerikan Ritchie Torres ku biseduan për zhvillimet aktuale në Kosovë si dhe për situatën e sigurisë në vend, përcjell InLajmi.
Osmani në këtë takim ka ritheksuar se kongresisti Torres po e vazhdon trashëgiminë historike të Eliot Engel, duke qenë një zë i fuqishëm i Kosovës në Kongresin Amerikan.
Në takim Presidentja Osmani ka folur edhe për forcimin e partneritetit strategjik me SHBA-të, si dhe angazhimin e tij për mbështetje të mëtejme ndaj Kosovës.
Në anën tjetër, kongresisti Torres theksoj se Kosova është mike dhe aleate e palëkundur e SHBA-ve dhe se do të punojë me administratën amerikane për ta vazhduar mbështetjen ndaj vendit tonë.
Njoftimi i plotë nga zyra e Presidences:
Presidentja Osmani priti në takim kongresistin amerikan, Ritchie Torres
Presidentja e Republikës së Kosovës, Vjosa Osmani priti sot në takim kongresistin amerikan, Ritchie Torres, njëherësh bashkëkryesues i Grupit për Çështjet Shqiptare në Kongresin amerikan, të cilin e falënderoi për punën e tij të jashtëzakonshme në mbështetje të Republikës së Kosovës, si dhe e njoftoi për zhvillimet në Kosovë dhe situatën aktuale të sigurisë.
Në takim me kongresistin Torres, Presidentja Osmani vuri theksin në forcimin e partneritetit strategjik me SHBA-të, si dhe angazhimin e tij për mbështetjen e mëtejme të Kosovës. Në këtë drejtim, Presidentja Osmani theksoi se kongresisti Torres po e vazhdon trashëgiminë historike të kongresistit Eliot Engel, duke qenë një zë i fuqishëm i Kosovës në Kongresin amerikan.
Kongresisti Torres theksoi se Kosova është mike dhe aleate e palëkundur e Shteteve të Bashkuara dhe se do të punojë afër me administratën amerikane për ta vazhduar mbështetjen për Republikën e Kosovës./InLajmi/
