Shefi i diplomacisë së Bashkimit Evropian, Josep Borrell, ka mbajtur një konferencë për media pas takimeve që ka zhvilluar me Kryeministrin e Kosovës, Albin Kurti, dhe presidentin e Serbisë, Aleksandar Vuçiq.
Borrell ka bërë të ditur se ua ka bërë palëve një propozim për ta shmangur përshkallëzimin e situatës në veri të Kosovës, por sipas tij, këtë propozim e ka refuzuar Kurti.
“Mungesa e marrëveshjes nënkupton që ne duhet t’i bëjmë konkluzionet se si këto negociata po zhvillohen”,tha Borrell.
“Ne do t’i informojmë vendet anëtar, kolegët dhe partnerët tanë rreth sjelljeve të palëve dhe mungesën e respektit të palëve dhe më duhet ta them këtë posaçërisht për Kosovën”, u shpreh emisari Borrell, transmeton Klankosova.tv.
“Unë e kuptoj se kjo përçon mesazh shume negativ politik”, tha Borrell.
