Ministri i Punëve të Brendshme Xhelal Sveçla, pas reshjeve të shumta ta shiut nëpër disa komuna të Kosovës, ka thënë se ekipet e emergjencave kanë reaguar në të gjitha rastet e evidentuara, përcjell InLajmi.
Sveçla ka thënë se ka pranuar raport nga Agjencia e Menaxhimit të Emergjencave ku iu bërë me dije se në rrafshin e Dukagjinit ka dëmë të krijuara nga veërshimet e reshjeve të shiut.
Xhelal Sveçla ka thënë se kjo situatë është duke u menaxhuar në të gjitha komunat nga Qendrat Emergjente, tutje ai u ka bërë thirrje qytetarëve që të kenë kujdes të shtuar ndaj situatës së krijuar pas vërshimeve të shiut.
Postimi i plotë i tij:
Për shkak të reshjeve të shumta të shiut, sot jemi përballur me vërshime në disa komuna të ndryshme të Kosovës.
Ekipet e menaxhimit të emergjencave që nga orët e hershme të mëngjesit janë në teren dhe kanë reaguar në të gjitha rastet e evidentuara.
Sapo kam pranuar raportin nga Agjencia e Menaxhimit të Emergjencave rreth gjendjes së krijuar me ç’rast konfirmohet se në zonën e Dukagjinit kemi dëme të ndryshme nga vërshimet. Momentalisht, situata është duke u menaxhuar dhe është në monitorim të vazhdueshëm nga Qendrat Emergjente në të gjitha komunat.
Të dashur qytetarë,
Përballë kësaj situate të krijuar, ju bëj thirrje të gjithëve për kujdes të shtuar. Qendrat Operative Emergjente janë në detyrë dhe në gjendje gatishmërie andaj ju lus të kontaktoni përmes numrit emergjent 112 rreth çdo vështirësie me të cilën mund të përballeni./InLajmi/
