Ministri i Administrimit të Pushtetit Lokal, Elbert Krasniqi për shkak të reshjeve të mëdha të shiut ka dalur në terren nëpër komunat e Kosovës për të parë situatën e krijuar pas vërshimeve, përcjell InLajmi.
Krasniqi ka thënë se ka vizituar disa lokacione ku kanë pësuar dëmtime si pasojë e vërshimeve të mëdha, siç janë ura në Vranovc, e cila e lidh qytetin e Pejës dhe atë të Deçanit.
Tutje, ministri Krasniqi ka thënë se ka biseduar edhe me kryetarë të Komunave të tjera për reshjet e shiut, që kanë mbizotëruar në vendin tonë gjatë ditëve të fundit.
Postimi i plotë i tij:
Me vëmendje po përcjellim situatën me vërshime pas reshjeve të shumta të shiut. Me disa Kryetarë të Komunave kam biseduar lidhur me situatën aktuale, gjithashtu kam vizituar disa nga lokacionet të cilat kanë pësuar dëme si ura në Vranoc e cila lidh Pejën dhe Deçanin e cila është dëmtuar si pasojë e vërshimeve./InLajmi/
