Komuna e Istogut ka njoftuar se pas reshjeve të shumta të shiut në këtë qytet është aktivizuar Shtabi Emergjent i kësaj komune, përcjell InLajmi.
Sipas njoftimit të Komunës rrugët në Istog vazhdojnë të jenë në qarkullim ndërsa dëmet e konsiderueshme janë vërejtur në ekonomitë familjare, kryesisht në biznese dhe bujqësi.
Tutje, është bërë e ditur se kryetari i kësaj komune Ilir Ferati së bashku me ekipet emergjente është në teren duke bërë ndërhyrjet e nevojshme me makineritë që i ka komuna në dispozicion, bashkë me Zjarrëfikësit, Policinë e Kosovës, Hidrodrinin, Drinin e Bardhë.
Njoftimi i plotë nga Komuna e Istogut:
Aktivizohet Shtabi Emergjent
Për shkak të situatës së krijuar pas reshjeve të shumta të shiut, sot u mbajt mbledhja Shtabit Emergjent të Komunës së Istogut.
Kryetari i Komunës Ilir Ferati, sot ka thirrur në takim të përbashkët Shtabin Emergjent Komunal të përbërë nga Drejtor të Dretorive, Komandantin e Policisë së Kosovës në Istog, FSK-në dhe Zjarrëfikësit.
Në këtë mbledhje u diskutua lidhur me situatën e krijuar në vend si pasojë e reshjeve të shumta të shiut dhe u konstatua se gjendja aktuale është e menagjueshme, rrugët janë të qarkullueshme, dëme ka të konsiderueshme në ekonomitë familjare, biznese dhe në bujqësi.
Kryetari Ferati bashkë me ekipet emergjente është në teren duke bërë ndërhyrjet e nevojshme me makineritë që i ka komuna në dispozicion, bashkë me Zjarrëfikësit, Policinë e Kosovës,Hidrodrinin, Drinin e Bardhë si dhe ato të firmave private të Istogut të cilat janë vënë në gatishmëri të plotë, pas krijimit të kësaj situate./InLajmi/
