Në Kosovë pritet të mbajë mot kryesisht i vranët dhe me reshje shiu. Paradite mund të ketë intervale të shkurtra kohore me diell. Më shumë reshje priten në veri dhe perëndim të Kosovës e më pak në jug dhe lindje. Në mbrëmje reshjet do të përfshijnë tërë territorin e Republikës së Kosovës.
Në Shqipëri nesër pritet të mbajë mot kryesisht i vranët dhe me reshje shiu. Reshje më intensive priten në veri-veriperëndim të vendit. Në juglindje dhe perëndim shumë pak reshje nesër, shkruan Meteo Ballkan.
Reshje të dendura shiu nesër parashikohen në Mal të Zi, ndërsa në Maqedoninë Veriore dhe Kosoven lindore reshjet e shiut do të fillojnë orëve të vonshme të pasdites ose në mbrëmje.
