Këngëtarja me famë botërore do të jetë në Tiranë në 28 nëntor, për një koncert që, padyshim do të ngrejë peshë fansat e saj të shumtë.
Dua Lipa bën të ditur se koncerti do të mbahet në sheshin “Skënderbej”.
“Emocioni është i madh për spektaklin “Future Nostalgia”, i cili do të mbahet në Tiranë, Shqipëri, në sheshin ‘Skënderbej’ më 28 nëntor 2022. Është nder të festosh një ngjarje kaq të rëndësishme në 110 vjetorin e Pavarësisë”, tha Dua Lipa.
Pak ditë më parë, Dua e konfirmoi vetë koncertin përmes një videomesazhi në anglisht dhe në shqip. “Mezi pres me ju pa në 28 Nëntor për Ditën e Flamurit dhe për 110-vjetorin e Pavarësisë. Ju dua shumë!”, është shprehur Lipa, shkruan TopChannel.
Koncerti i Dua Lipës përkon dhe me Kryeqytetin Europian të Rinisë ku janë zhvilluar mbi 1.000 aktivitete të ndryshme sportive dhe kulturore. Vetëm pak ditë më parë, Tirana u shpall fituese për vitin 2023 edhe si “kryeqyteti europian i sportit”.
