Presidentja e Kosovës Vjosa Osmani ka takuar zëvendësministrin si dhe ministrin e shtetit të Katarit z. Hamad Bin Abdulaziz Al Kawari, ku kanë biseduar për thellime të marrëdhineve midis Kosovës dhe Katarit, përcjell InLajmi.
Osmani në këtë takim u shpreh mirënjohese ndaj shtetit të Katarit për bashkëpunime të deri tanishme ndaj vendit tonë, si dhe shprehi bashkëpunime të mëtejme në sektorin e energjisë, arsimit, shëndetsisë, turizmit, bujqësisë dhe në fusha të tjera.
Vjosa Osmani, tutje ka përmendur një varg projektesh që mund të zhvillohen edhe në fushën e teknologjive moderne, pasi që sipas saj Kosova ka popullsi me moshë të re.
Njoftimi i plotë nga zyra e Presidences:
Në kuadër të samitit të krerëve të shteteve të Frankofonisë, në Djerba të Tunizisë, Presidentja e Kosovës, Vjosa Osmani u takua me zëvendëskryeministrin, si dhe ministrin e Shtetit të Katarit, z. Hamad Bin Abdulaziz Al Kawari, me të cilin diskutoi mbi thellimin e mëtejmë të marrëdhënieve mes Republikës së Kosovës dhe Shtetit të Katarit.
Presidentja Osmani i çmoi si të shkëlqyera marrëdhëniet mes 2 vendeve dhe e vlerësoi lart mbështetjen e vazhdueshme të Katarit për Kosovën, si para ashtu edhe pas pavarësisë së vendit tonë.
“Populli i Kosovës”, tha Presidentja Osmani, “i është mirënjohës Katarit për bashkëpunimin dhe pret që të 2 vendet ta thellojnë më tej atë, duke hapur kaptina të reja bashkëpunimi në energji, arsim, shëndetësi, turizëm, bujqësi dhe fusha të tjera”.
Presidentja përmendi edhe një varg projektesh, të cilat mund të zhvillohen si rrjedhojë e bashkëpunimit, sidomos në fushën e teknologjive moderne dhe inovacionit, duke ditur që Kosova ka popullsi me moshë shumë të re, të zonjën për të zhvilluar projekte në këtë fushë.
Zëvendëskryeministri i Katarit, Al Kaëari, e çmoi bashkëpunimin e deritashëm mes Kosovës dhe Katarit dhe theksoi se Katari do të jetë gjithmonë në krah të Kosovës.
Ai theksoi se Kosova dhe Katari janë të 2 shtete të vogla, me histori deri diku të ndryshme, por me shumë pika të përbashkëta, prandaj mund të ato mund të mësojnë shumë nga njëra-tjetra, por edhe të shpijnë përpara ide të përbashkëta, të cilat janë të favorshme për të 2 vendet./InLajmi/
