Në seancën e Kuvendit të Kosovës, të mbajtur ditën e enjte, si vizitore ka qenë e pranishme edhe ish-deputetja e Lëvizjes Vetëvendosje, Vasfije Krasniqi, përcjell InLajmi.
Vizitën e saj e kanë mirëpritur të gjithë deputetët e kuvendit, duke u ngritur në këmbë në shenjë respekti.
Shefja e Grupit Parlamentar të LVV-së, ditën e premte ka thënë se dita e djeshme ka qenë e mbarë, sepse Krasniqi ka qenë prezente dhe njëkohësisht është miratuar në parim projektligji për buxhetin e Kosovës, në vlerë prej 3.200.000.000, me 64 vota pro.
Ajo tha se edhe pse Krasniqi më nuk është deputete e Kuvendit të Kosovës, ajo është zë i fortë i popullit për sakrificën dhe vuajtjen e përjetuar gjatë luftës në Kosovë, e njëkohësisht sinonim i forcës dhe guximit.
Postimi i plotë i saj:
Dje nuk mund të ishte dita ndryshe, përveq se e mbarë, pasi në mesin tonë erdhi për vizitë e dashura dhe çmuara jonë Vasfije Krasniqi.
Ajo do të mbetet gjithmonë sinonim i forcës dhe guximit që iu dha gjithë tjerëve që nuk e patën forcën e saj!
Vasfija edhe pse nuk është më deputete, misioni i saj vazhdon pa ndalë të jetë zëri i popullit për sakrificën dhe vuajtjen e përjetuar gjatë luftës në Kosovë. /InLajmi/
