Ish-ministrja e Ministrisë së Punëve të Jashtme dhe Diasporës, Melisa Haradinaj – Stublla, tha se krimet e luftës janë lënë në harresë, sepse drejtësia është verbëruar, përcjell InLajmi.
Këtë deklaratë e bëri ditën e premte, ku deklaroi se një pjesë të krimeve të luftës ajo e bartë me vete gjithmonë, e që sipas saj akoma nuk e ka parë dritën e drejtësisë.
Ajo potencoi se për vuajtjet që i kanë kaluar viktimat e luftës, e poashtu edhe dhunës seksuale ajo ka qenë zëri i tyre gjatë takimeve që i ka zhvilluar brenda dhe jashtë vendit.
Tutje, Haradinaj – Stublla shtoi se drejtësia duhet të kërkohet edhe përmes Ministrisë së Punëve të Jashtme dhe Diasporës, e jo vetëm përmes gjykatave.
Postimi i plotë i saj:
Më vjen mirë që së paku Sekretari i MPJD-së po e vazhdon traditën 👏, meqë Ministrja jo…
Zëri i viktmave të luftës që përjetuan tmerrin dhe dhunën seksuale nga forcat serbe gjatë luftës, ishin pjesë e pandashme e punës dhe veprimit tim diplomatik në të gjitha takimet brenda dhe jashtë vendit.
Përmes promovimit të punës së tyre, unë bartja me vete edhe një pjesë të historisë dhe të vërtetës së luftës, që ende nuk e ka parë dritën e drejtësisë.
Drejtësia duhet të kërkohet edhe përmes MPJD-së. Është obligim institucional e moral, sidomos tani kur Serbia mendon se ‘historia është harruar, krimet janë amnistuar, dhe drejtësia është verbëruar…’/InLajmi/
