Kryetari i Mitrovicës së jugut, Bedri Hamza i është kundërpëgjigjur deputetit të VV-së Halil Thaçi i cili ky i fundit ka pretenduar se i pari i Mitrovicës Jugore është takuar më zyrtarët e Listës Serbe, përcjell InLajmi.
Tutje, kryetari Hamza ka shtuar se nuk ka parë asnjë deputetë të Listës serbe dhe nuk ka biseduar me asnjë antarë të kësaj liste.
Sipas, tij së bashku me kryetarin e Vushtrrisë Ferit Idrizi janë takuar në një drekë pune, ku kanë diskutuar për zhvillimet e një ndërmarrjeje të përbashkët komunale “Uniteti”.
Hamza tha se për shpifjet dhe gënjeshtrat e deputetit Halil Thaçi do të ballafaqohen së shpejti në gjykatë.
Postimi i plotë i tij:
Gjatë ditës së sotme, me ftesë të kryetarit të Vushtrrisë, z. Idrizi, unë dhe Z. Fadil Nura kemi zhvilluar një drekë pune për të diskutuar për zhvillimet në ndërmarrjen e përbashkët komunale “Uniteti”. Gjatë kësaj dreke, unë as nuk kam parë, as nuk kam biseduar me asnjë anëtar apo deputet të Listës serbe.
Sa i perket gënjeshtrave dhe shpifjeve të deputetit të Vetëvendosjes, Halil Thaçi, do të ballafaqohemi së shpejti në gjykatë!/InLajmi/
