Deputetja e Vetëvendosjes, njëherësh edhe kryetarja e Komisionit për Shëndetësi, Fatmire Kollçaku,-Mulhaxha pas kritikave të deputetëve të opozitës në seancën e Kuvendit për gjendjen në shëndetësi dhe mos emërimin e ministrit të ri, tha se pozitat vakante shumë shpejtë do të plotësohen, raporton InLajmi.
Deputetja shprehu një ide të çuditshme me mendimin “gjoja” për ti ndalur mjekët të mos migrojnë në vendet e treta. Ajo kërkoi që mjekët pas përfundimit të shkollimit të “detyrohen” të punojnë 5 vite në vendin e tyre.
Deputetja Kollçaku-Mulhaxha, e cila është disa mandate deputete dhe profesioniste shëndetësore, ka njohuri të përhershme me problemet që ka shëndetësia jonë ndër vite, ndërsa siç tha ajo e kishte paralajmëruar ish-ministrin Rifat Latifi për situatën në shëndetësi me marrjen e detyrës.
“I ftoj që të gjithë ata që për hir të shkollimit që e kanë bërë në Republikën e Kosovës, për hir të investimeve që u nda për shkollimin e tyre përveç buxhetit familjar, që në kontratat që do të nënshkruhen në të ardhmen, të garantohet që edhe së paku 5 vite të kenë detyrim që të punojnë në institucionet publike deri të shkollohet kuadri pasues. Në mënyrë që të mos ketë boshllëk”, është shprehur Mulhaxha./InLajmi/
