Sulmuesi i Borussia Dortmund, Sebastien Haller ka bërë të ditur se do t’i nënshtrohet një operacioni të ri si pjesë e trajtimit të vazhdueshëm për një tumor testikuj që e ka mbajtur lojtarin jashtë fushës. Për tash e disa muaj
Sulmuesi 28-vjeçar i Bregut të Fildishtë iu nënshtrua një operacioni në fillim të këtij viti pasi zbuloi tumorin ndërsa ishte në një kamp stërvitor në korrik, dhe i është nënshtruar kimioterapisë muajt e fundit.
Haller, i cili më parë ka luajtur në klubin e Premier Ligës, West Ham United, u kthye shkurtimisht në stërvitje me ish-skuadrën Ajax Amsterdam muajin e kaluar.
“Siç ishte planifikuar që në fillim, u konsideruan mundësi të ndryshme pas kimioterapisë. Unë ju them se lufta nuk ka mbaruar për mua,” shkroi Haller në një postim në Twitter.
“Do të më duhet të bëj një operacion tjetër për t’i dhënë fund përgjithmonë këtij tumori që më mban larg fushës. Dua t’ju falënderoj të gjithëve për mesazhet e mbështetjes dhe forcën që më jepni në këtë provë. Mezi pres t’ju shoh të gjithëve së shpejti “, ka thënë ai, përcjell lajmi.net.
Skuadra gjermane Dortmund nënshkroi me Hallerin për 31 milionë euro në sezonin e kaluar pasi sulmuesi shënoi 34 gola sezonin për kampionët holandez Ajaxin, përfshirë 21 në ligë dhe 11 në Ligën e Kampionëve.
