Qendra “Gjenocidi në Kosovë – Plagë e Hapur” i është drejtuar me një kërkesë institucioneve të Kosovës, Presidentes, Qeverisë, Kuvendit, deputetëve si dhe partive politike, që lulëkuqja me 4 petale të bëhet simbol unik përkujtimor i gjenocidit në Kosovë.
“Pas konsultimeve të shumta, Qendra “Gjenocidi në Kosovë – plagë e hapur” mbështeti idenë e Adnan Asllanit, që lulëkuqja të jetë simbol i viktimave të gjenocidit në Kosovë, shkruan Gazeta Express.
Në dallim nga lulëkuqet që përdoren si simbol në shumë vende të tjera, 4 petalet e lulëkuqes në logon e dizajnuar prej tij paraqesin 4 format e akteve gjenocidare, që Serbia zbatoi në Kosovë: vrasjen, dhunën seksuale, spastrimin etnik dhe shkatërrimin e objekteve që lidhen me përkatësinë etnike dhe identitetin shqiptar”, thuhet në kërkesën e kësaj qendre drejtuar institucioneve të vendit.
