Kryeministri i Kosovës, Albin Kurti, ditën e enjte në seancën e kuvendit gjatë fjalës së tij tha se vit ii kaluar s ai përket të hyrave dhe rritjes ekonomike ka qenë më i suksesshmi në historinë e shtetit të Koosvës, përcjell InLajmi.
Ai deklaroi se në kuadër të buxhetit shtetëror për vitin 2023 ka edhe projekte specifike, të cilat e reflektojnë Programin Qeverisës të Qeverisë së Kosovës.
Tutje, Kurti u shpres se pavarësisht krizës globale Kosova ka arritur një konsolidim të financave publike e që është referencë e Fondit Monetar Ndërkombëtar për shtetet e tjera.
Njoftimi i plotë nga Lëvizja Vetëvendosje:
Buxheti për vitin 2023 do të jetë 3.212.000.000 euro kurse të hyrat buxhetore do të arrijnë vlerën prej 2.884.000.000 euro. Kemi ndarë 745.000.000 euro në kategorinë “Paga dhe Mëditje”, 493.000.000 euro në kategorinë “Mallra dhe Shërbime”, 1.980.000.000 milionë euro në “Subvencione dhe Transfere” dhe 811.000.000 euro në “Shpenzime Kapitale”.
Për sa i përket projekteve specifike, ato reflektojnë Programin tonë Qeverisës.
Viti i kaluar ishte viti më i suksesshëm në historinë e shtetit tonë për sa u përket të hyrave dhe rritjes ekonomike. Ky vit, me gjithë sfidat dhe krizat globale, vazhdoi trendin pozitiv, dhe na mundësoi të kemi një konsolidim të financave publike. Sipas vlerësimeve të Fondit Ndërkombëtar Monetar, Kosova është prej vendeve të para në mesin e ekonomive në zhvillim në Evropë që ka arritur një sukses të tillë e që është e reference e vet FMN-së për shtetet tjera sa i përket konsolidimit të financave publike. Kjo na vë në pozitë më të favorshme për sfidat që mund të na presin vitin tjetër. Ndërkohë që kemi një projeksion mjaft pozitiv për vitin e ardhshëm fiskal. /InLajmi/
