Nënkryetar i Lidhjes Demokratike të Kosovës, Lutfi Haziri shprehet i shqetësuar për raportet e “brishta” të Kosovës me SHBA-të për siç thotë ai për shkak të funksionarëve që e kanë humbur rrugën, përcjell InLajmi.
Ndërsa kujton “rrezikimin” e miqësisë amerikane, Haziri tha se Shtetet e Bashkuara të Amerikës, tashmë i kanë dhënë shenjat e para të rivlerësimit të raporteve me funksionarët e Kosovës.
Sipas tij, “këshilla” e SHBA-ve për të mos udhëtuar është një lloj sanksionimi dhe kjo thotë Haziri është fatale dhe alarmante.
Postimi i plotë i tij:
SHBA do t’i ruaj përjetësisht marrëdhëniet me popullin e Kosovës, por do t’i dëmtojë raportet me funksionarët kur e humbin udhën. SHBA tashmë i ka dhënë shenjat e para të rivlerësimit të raporteve me funksionarët e Kosovës. “Këshilla” e mikut më të madh të shqiptarëve të Kosovës për të mos udhëtuar, është lloj sanksionimi. Kjo është fatale dhe alarmante. /InLajmi/
