Deputeti i Aleancës për Ardhmërinë e Kosovës AAK, Bekë Berisha, ka thënë se situata në veri është e tensionuar ndërsa atje po cenohet sovraniteti i vendit nga xhandarmëria serbe, raporton InLajmi.
“Brenda territorit të Kosova para disa ditësh është cenuar siguria jonë dhe kemi Qeveri të dobët në sigurimin e vendit. Kjo është shkelje e sovranitetit tonë dhe ftojë Ministrinë e Punëve të Brendshme të zbardhin rastin. Prania e Kosovës është e domosdoshme”, është shprehur deputeti Berisha.
Sipas tij, policia e FSK-ja punojnë me orare të zgjatura e situata në veri e tensionuar, kurse Qeveria ndjehet e relaksuar.
“Polica dhe FSK janë duke punuar në kushte të rënda pune me orare të tejzatura. 250 policë e kanë lëshuar punën. Është gabim se Qeveria po e mban situatën të relaksuar. Situata në veri është shumë e tensionuar dhe sovraniteti i vendit tonë shkelet çdo ditë nga xhandarmëria serbe”, deklaroi Berisha.
Ndërsa foli për sigurinë në vend, deputeti Berisha në një konferencë për media të enjten foli për kushtet në të cilat punojnë Policia e Kosovës, për çka edhe potencoi Projektligjin për pensionet e zyrtarëve policorë të Policisë së Kosovës dhe punonjësit e Inspektoratit Policor të Kosovës me autorizime policor.
“Shumë zyrtar janë mbi 60 vjeç. Ky ligj do të mundësonte angazhimin e të rinjve në Polici dhe do t’i hapte rrugë pranimit të kuadrove të reja”, tha Berisha./InLajmi/
