Kryetari i LDK-së, Lumir Abdixhiku është pritur në takim nga Senatorja Republikane Joni Ernst, ku shprehu mirënjohje ndaj Senatit për mbështjetjen ndaj Kosovës, përcjell InLajmi.
Në këtë takim, Abdixhiku ka shtruar kërkesën për ngritjen e marrëdhënieve bilaterale mes Kosovës e SHBA-ve nëpërmjet nënshkrimit të ‘Kartës për Partneritet Strategjik’.
Ndërkaq, Senatorja Rebublikane Ernst ka shërbyer në ushtrinë amerikane për mbi 23 vite, me ç’rast promovon në vazhdimësi nevojat e mbrojtjes kombëtare brenda dhe jashtë SHBA-ve.
Njoftimi i Plotë nga zyra e LDK-së:
Kryetari i LDK-së, Lumir Abdixhiku, në kuadër të vizitës së tij zyrtare në SHBA, sot është mirëpritur nga Senatorja Republikane Joni Ernst.
Me këtë rast, kryetari Abdixhiku, shprehu mirënjohjen e veçantë ndaj Senatit për mbështetjen e vazhdueshme që i jep Kosovës. Kryetari Abdixhiku vazhdoi ta shtroi kërkesën për ngritjen e marrëdhënieve bilaterale mes Kosovës e SHBA-ve nëpërmjet nënshkrimit të ‘Kartës për Partneritet Strategjik’, shndërrimin e Kampit Bondsteel në bazë permanente amerikane në Kosovë, si dhe ndihmesën e mëtutjeshme të SHBA-ve për ankorimin e Kosovës si vend anëtar dhe i barabartë mes shteteve të NATO-s.
Vlen të theksohet se, Senatorja Ernst ka shërbyer në ushtrinë amerikane për mbi 23 vite, me ç’rast promovon në vazhdimësi nevojat e mbrojtjes kombëtare brenda dhe jashtë SHBA-ve, ndërkaq në këtë promovim e angazhim të saj edhe Kosova ka zënë gjithherë vend të veçantë./InLajmi/
