Lideri i LDK-së, Lumir Abdixhiku, po qendron në Shtetet e Bashkuara të Amerikës, në vizitë zyrtare, përcjell InLajmi.
Lumir Abdixhiku, gjatë vizitës së tij zyrtare në SHBA, është pritur në Departamentin Amerikan të Mbrojtjes. Në Pentagon, Kryetari Abdixhiku ka zhvilluar takim me Drejtorin Kryesor të Departamentit të Mbrojtjes për Evropën dhe Politikat e NATO-s, Andrew L. Winternitz.
Në Pentagon, Abdixhiku kërkoi mbështetje të mëtutjeshme të SHBA-ve për realizimin e aspiratës historike të popullit të Kosovës për anëtarësim sa më të shpejtë në NATO. Në këtë takim u shtruan dhe kërkesat e pikëpamjet e LDK-së për ‘Kartën për Partneritet Strategjik mes SHBA-ve dhe Kosovës sikurse shndërrimin e Kampit Bondsteel në bazë të përhershme amerikane në Kosovë.
Ai ka shkruar në rrjete sociale se diten e enjte ka qenë në vizitë në Pentagon, të cilin ai e quan “tempull i mbrojtjes së demokracisë dhe vet lirisë”.
Abdixhiku tha se nga të gjitha vizitat që ka realizuar në SHBA, kjo është më e rëndësishmja.
Postimi i plotë i tij:
Në Pentagon, tempullin e mbrojtjes së demokracisë dhe vet lirisë. Një ndër pritjet më të rëndësishme të kësaj vizite. /InLajmi/
