Zëvendëskryeministër i parë për Integrim Evropian, Zhvillim dhe Dialog Besnik Bislimi,ka bërë të ditur se nuk është arritur asnjë marrëveshje me Serbinë për çështjen e targave, raporton InLajmi.
E tha këtë informatë, por u acarua atëherë kur gazetarët insistuan të mësojnë më shumë lidhur me planet e qeverisë për dalje nga kriza, derisa kryenegociatori kërkoi seriozitet nga gazetarët sepse sipas tij gjërat nuk duhet diskutohen në publik.
Ndërsa u përgjigj për takimet e radhës, duke theksuar se ai është vetëm një zyrtar i lartë e nuk është parashikuesi “Nostradamus”.
“Vjen e marta pas të hënës, nuk e di çka do të ndodh. A e din çka do të ndodh, unë nuk jam Nostadamus jam zëvendëskryeministër. Nuk e di çka do të ndodh të hënë, jemi duke diskutuar a jeni duke kuptuar”, tha Bilimi.
Për më tepër Bislimi i acaruar nga pyetjet e gazetarëve tha “jemi duke diskutuar, a jeni duke kuptuar”.
“Nuk ka as një marrëveshje për këtë. Nuk ka propozim nga Bashkimi Evropian, jemi duke diskutuar. Nuk mundem tash me diskutuar këtu opsione që kam diskutuar atje, duhet pak me rrit seriozitetin”, deklaroi Bislimi, duke shtuar se po bëhen diskutime dhe ka elemente të daljes nga kriza.
“Ka elemente që kemi diskutuar për mundësin e daljes nga kriza po nuk ka dakordim edhe nuk ka logjikë me diskutuar në publik”, u shpreh kryenegociatori në dialogun me Serbinë. /InLajmi/
