Anëtar i kryesisë së PDK-së, Muzafer Shala ka deklaruar se Partia Demokratike e Kosovës nuk do të përdorë metoda të njëjta që ka përdorur Vetëvendosje për të ardhur në pushtet.
I ftuar në emisionin “Këndi i Debatit” ai theksoi se forma me të cilën VV-ja ka ardhur në pushtet është më e keqja dhe sipas tij, sot pikërisht ajo formë është bërë armiku më i madh i tyre.
“Ajo çka kan bërë ata dmth ne në asnjë momet nuk pajtohemi dhe nuk kemi me qenë ajo parti e cila ka me përdorë metoda të njëjta për të ardhur në pushtet. Ajo është forma më e keqe e cila sot është bërë armiku më i madh i Vetëvendosjes, për shkak se çdo deklaratë të tyre që e shohim që e kanë bërë para se të ardhur në pushtet sot është krejt diçka kundër që ata veprojnë”. tha ai, shkruan Tëvë 1.
Tutje Shala tha se Partia Demokratike e Kosovës gjithmonë ka qenë konstruktive edhe kur nuk ka qenë në pushtet, por edhe kur ka ardhur në pushtet.
