Kryetari i Lidhjes Demokratike të Kosovës, Lumir Abdixhiku ka qenë në Senatin e SHBA-ve, ku është pritur nga Senatori Christopher Murphy dhe ekipi i tij politik, përcjell InLajmi.
Abdixhiku ka thënë se në këtë takim është biseduar për zhvillimet e fundit në Kosovë dhe rajon.
Gjithashtu, Lumir Abdixhiku ka bërë të ditur se ka shtuar kërkesë për ngritjen e bashkëpunimit bilateral në mes të Kosovës dhe Shteteve të Bashkuara nëpërmjet ‘Kartës për Partneritet Strategjik’.
Sipas, Abdixhikut në takim u theksua nevoja e bashkëpunimit në fushën e politikës së jashtme, energjetikës e zhvillimit ekonomik.
Postimi i plotë i tij:
Ditën e 2 të vizitës e nisa me takime në Senatin e Shteteve të Bashkuara. Aty u prita nga Senatori Christopher Murphy dhe ekipi i tij politik.
Biseduam për zhvillimet e fundit politike në Kosovë dhe rajon. Edhe në Senat shtrova kërkesën tonë për ngritjen e bashkëpunimit bilateral në mes të Kosovës dhe SHBA-ve nëpërmjet ‘Kartës për Partneritet Strategjik’.
Si anëtar i Komisionit për Punë të Jashtme, Senatori Murphy ka qenë dhe mbetet gjithherë aktiv në rajonin tonë. Në këtë drejtim, kërkesat tona për mbështetje ndaj popullit të Kosovës, institucioneve të Republikës, e aspirstave tona për anëtarësim në aleancën ushtarake të NATO-s, ishin krejt të natyrshme. Po ashtu, në takim u theksua nevoja e bashkëpunimit të ngushtë në fushën e politikës së jashtme, energjetikës e zhvillimit ekonomik.
Mbështetja e Senatit dhe Sentorëve nga të gjitha anët, ka prodhuar gjithherë momente historike për vendin tonë. Këtë mbështetje për shtetin tonë vazhdojmë ta kërkojmë në çdo kohë./InLajmi/.
