Politologu, Dorajet Imeri ka thënë se sulmi i sotëm i Rusisë në Poloni ku mbeten të vrarë 2 persona është bërë për të testuar qëndrueshmërinë dhe nervat e strukturës menaxhuese të NATO-së.
I ftuar në emisionin “InfoNata”, Imeri tha se NATO do ta trajtojë si një nga momentet më delikate që nga themelimi i aleancës.
“NATO nuk do ta cilëson si sulm ndaj saj, por se do ta trajtojnë si një moment tepër delikat më delikatin ndoshta që nga themelimi i Aleancës sepse sulmohet ushtarakisht një anëtare e kësaj strukture dhe prandaj do të varet nga qëndrimi dhe struktura e përgjithshme e NATO-s. Rusia mund ta ketë bërë këtë për ta testuar ndoshta qëndrueshmërinë ose si të themi nervat e strukturës menaxhuese të NATO-s dhe shteteve anëtare të saj dhe prandaj urojmë që të mos ketë efekte të tjera”, tha ai.
Gjatë mbrëmjes edhe kryeministri, Albin Kurti i ka dënuar sulmet e raketave ruse në Poloni ku vdiqën dy persona, ai ka bërë thirrje për një hetim të plotë të këtij sulmi, shkruan tëvë1.
Kurse edhe presidentja e Kosovës, Vjosa Osmani ka shprehur solidaritet me Poloninë pas sulmit me dy raketa ruse në këtë shtet. Teksa tha se uniteti i botës demokratike kundër luftës brutale të presidentit rus, Vladimir Putin kundër Ukrainës mbetet i palëkundur.
