Ministri i Kulturës, Rinisë dhe Sportit, Hajrullah Çeku, ka publikuar një fotografi se si do të duket Lokaliteti Arkeologjik në sheshin e Lidhjës së Prizrenit, përcjell InLajmi.
Çeku tha se tashmë kanë filluar punimet dhe vendi po bëhet gati për pjesën e parë të konservizmit, në një hapësirë të rëndësishme kulturore.
Ai shtoi se promovimi dhe prezantimi i Lokalitetit Arkeologjik synon që të ngrisë vetëdijen për rëndësinë e këtij lokaliteti si dhe të promovojë vlerat kulturore nëpërmjet zhvillimit të turizmit kulturor.
Postimi i plotë i tij:
Kështu do të duket së shpejti Lokaliteti Arkeologjik në sheshin e Lidhjes së Prizrenit.
Në këtë hapësirë tejet të rëndësishme të trashëgimisë kulturore tashmë kanë filluar punët dhe vendi po bëhet gati për pjesën e parë të konservimit.
Projekti i prezantimit të këtij lokaliteti është përgatitur me qasje gjithëpërfshirëse, ku përmes analizave të zonës dhe diskutimeve publike janë përfshirë banorët, komuniteti i biznesit dhe komuniteti profesionist, në mënyrë që prezantimi final i Lokalitetit Arkeologjik të jetë reflektim i një zgjidhjeje të përbashkët.
Prezantimi dhe promovimi i Lokalitetit Arkeologjik si një lokalitet me rëndësi historike, shkencore, kulturore dhe edukative, synon që të ngrisë vetëdijen për rëndësinë e këtij lokaliteti si dhe të promovojë vlerat kulturore nëpërmjet zhvillimit të turizmit kulturor. /InLajmi/