Kryetari i Partisë Demokratike të Kosovës, Memli Krasniqi ka qenë në Bruksel ku është takuar me përfaqësuesin e BE-së për dialogun Kosovë-Serbi, Miroslav Lajçak, përcjell InLajmi.
Krasniqi ka thënë se në takim me Lajçakun, ka riktheksuar qëndrimin për një marrëveshje përfundimtare me Serbinë, e cila e garanton antarësimin e Kosovës në OKB.
Kryetari i PDK-së, Krasniqi po ashtu ka shtuar se në takim është biseduar edhe për zhvillimet e fundit në veriun e vendit.
Postimi i plotë i tij:
Sot, gjatë vizitës në Bruksel kam zhvilluar takim edhe me përfaqësuesin special të Bashkimit Evropian për dialogun Kosovë – Serbi dhe Ballkanin Perëndimor, Miroslav Lajçak.
Bashkë diskutuam për zhvillimet e fundit në pjesën veriore të Kosovës, situatë për të cilën nevojiten veprime të përgjegjshme politike.
Emisarit Lajçak i ritheksova qëndrimin për një marrëveshje përfundimtare Kosovë-Serbi, me njohjen reciproke në qendër dhe e cila garanton anëtarësimin e Kosovës në OKB.
Integrimi euro-atlantik i Kosovës është rruga e vetme përpara, për të cilën, unë dhe Partia Demokratike e Kosovës mbesim thellësisht të përkushtuar!/InLajmi./
