Aleksandar Jabllanoviq nga Partia e Serbisë, pas takimit me presidenten Osmani ka thënë se serbët do të dalin në zgjedhje vetë në varësi të veprimeve që i merr Qeveria e Kosovës dhe ajo e Serbisë, raporton InLajmi.
Jabllanoviq, ndër të tjera ka shtuar se serbët duhet të kenë një kordinim të afërt me Qeverinë e Serbisë, pasi sipas tij këto zgjedhje janë të një momenti specifik.
“A do të ndryshoj ndonjë gjë në ndërkohë dhe se në çfarë drejtimi, ajo varet shumë nga disponimi i qytetarëve nga veprimet e Qeverisë në Prishtinë e sidomos nga veprimet e Qeverisë sonë në Beograd. Ne duhet që të kemi koordinim të qartë dhe të afërt me Qeverinë e Republikës së Serbisë, sepse këto nuk janë zgjedhje e thjesht, këto janë zgjedhjet në një moment specifik, i cili mund të jetë shumë i paparashikueshëm”, tha Aleksandar Jabllanoviq.
Tutje, Jabllanoviq ka thënë se dalja e serbëve në zgjedhjet e 18 dhjetorit do të varet nga disponimi i tyre, si dhe nga qëndrimet e Qeverisë së Serbisë.
“Situata nuk është aq e thjeshtë dhe ka të bëjë me zgjedhjet e thjeshta, është situatë e komplikuar. Se a do të marrim pjesë në këto zgjedhje varet nga shumë rrethana, por për ne si serb para se gjithash, varet nga disponimi në komunitetin tonë si dhe nga qëndrimet e Beogradit zyrtar. Pra tani nuk është momenti duhur për zgjedhje”tha ai.
Këto deklarime zyrtari i Partisë serbe, Aleksandar Jabllanoviq i bëri pas takimit të mbajtur me presidenten e Kosovës Vjosa Osmani, ku zgjedhjet në veri priten të mbahen me 18 djetor të këtij viti./InLajmi/.
