Betim Gjoshi nga Partia Demokratike e Kosovës, pas takimit konsultativ me presidenten Vjosa Osmani për datën e zgjedhjeve në 4 komunat veriore, tha se është përgjegjësi institucionale garantimi i funksionimit të rendit kushtetues dhe institucioneve, përcjell InLajmi.
Tutje ka shtuar Gjoshi se PDK-ja është e gatshme gjithmonë të ndihmojë proceset demokratike në të mirë të shtetit dhe së ardhmes tonë të përbashkët.
Ai tha se si PDK do të jenë gjithmonë të gatshëm për ti ndihmuar proceset demokratike, të cilat janë në të mirë shtetit dhe shoqërisë.
Postimi i plotë i tij:
Të hënën si përfaqësues i Partisë Demokratike të Kosovës, mora pjesë në takimin konsultativ në lidhje me procesin zgjedhor në katër komunat veriore të vendit.
Është plotësisht përgjegjësi e institucioneve të Kosovës që të garantojnë funksionimin e institucioneve dhe rendit kushtetues në të gjithë territorin e vendit. Kosova tani më ka ndërtuar një standard të lartë demokratik dhe gjithëpërfshirës të organizimit të zgjedhjeve, në bazë të ligjit, kushtetutës dhe dokumenteve të Republikës tonë në secilin cep të vendit. Rrjedhimisht, ky standard duhet të ruhet dhe të avancohet. Si PDK, ne do të jemi gjithmonë të gatshëm për të ndihmuar proceset demokratike, të cilat janë në të mirë të shtetit, shoqërisë dhe të ardhmes tonë të përbashkët! /InLajmi/
