Klubi i Gjimnastikës Vushtrria me gjimnastet Rea Berisha dhe Sara Pllana, arritën që në ditën e parë të garës ndërkombëtare “Horizon Cup” të marrin vendin e dytë dhe të tretë në kapërcime si dhe vendin e dytë në paralele të shkallëzuar, ka njoftuar Federata Gjimnastike e Kosovës, përcjell InLajmi.
2 vajzat kosovare udhëheqen nga trajnerët e tyre, Arlind Shaqiri dhe Doruntinë Ibrahimi, që kanë hyrë në historinë e sportit të vendit tonë, duke siguruar të shtunën tri medaljet e para ndërkombëtare në gjimnastikë.
Gara që po zhvillohet në Greqi, me pjesëmarrje të garuesve nga Evropa, përfundon të dielën.
Njoftimi i plotë i Federatës së Gjimnastikës së Kosovës:
Valvitë Flamuri i Kosovës në Horizon Cup nga Gjimnastet Rea Berisha dhe Sara Pllana Klubi i Gjimnastikës Vushtrria duke fituar medaljet e para ndërkombëtare për Federatën e Gjimnastikës së Kosovës. Një hap i rëndësishëm drejt një të ardhme të ndritshme. Ju priftë e mbara dhe shumë suksese Trajnerëve Arlind Shaqiri dhe Tinë Ibrahimi.
#federataegjimnastikesekosoves
#KomitetiOlimpikiKosoves
#fakultetiiedukimitfizikdheisportit
#MKRS /InLajmi/
