Ish-këshilltari i Kryeministrit Kurti, Shkëlzen Gashi, kohë pas kohe e shfrytëzon të drejtën e tij si shkrimtar për t`u kthyer në retrospektivë, përcjell InLajmi.
Tani kur situata është rënduar në veri të Kosovës, raportet me aleatët tanë janë trazuar disi, liberalizimi i vizave ka mbetur temë e lënë pezull dhe dialogu me Serbinë varet nga nisma frano-gjermane, të gjithë e kanë mendjen tek këto çështje.
Gashi ka zgjedhur që të “shpotisë” disa personalitete, duke ua përmendur vilat e sekuestruara në Brezovicë.
Ai tha se është duke e shkruar një libër, që ka një tematikë të rëndë dhe do të dëshirontë që “dorën e fundit” këtij libri të ja jepte në disa nga këto vila.
Postimi i plotë i tij:
Jam në përfundim të një libri me tematikë shumë të randë. kishte me qenë shumë mirë që leximet e fundit të këtij libri para se me e nisë për shtyp, me i ba në një vend si brezovica.
ndoshta nuk kishte me qenë keq që organet shtetërore që i kanë sekuestru villat e ish pushtetarëve në brezovicë, me i vu ato në dispozicion të qytetarëve që bajnë punë në interes të publikut.
për shembull, kisha pasë qejf që librit që jam tu e përfundu me ia dhanë dorën e fundit nëpër këto villa të sekuestrueme në brezovicë… një natë në villën e enver hoxhajt, tjetrën në atë të bekim çollakut, e kështu me radhë… /InLajmi/
