Ish-Presidenti i Republikës së Shqipërisë, Ilir Meta, ditën e dielë ka reaguar pas protestës së organizuar nga opozita në kryeqytetin e Shqipërisë, përcjell InLajmi.
Meta tha se kriza e çmimeve të larta ua ka shtuar vuajtjet shqiptarëve më shumë se asnjëherë tjetër.
Ai potencoi se qeveria po i grabit paratë nëpërmjet inceneratorëve, konçensioneve dhe tenderave secrete, e që këto para do të duhej të shkonin për rritjen e pagave, pensioneve dhe ndihmës ekonomike.
Ish-Presidenti Meta qeverinë e quajti “Bandë e Rilindjes”.
Postimi i plotë i tij:
Shqiptarët vuajnë sot më shumë se çdokush tjetër krizën e çmimeve të larta. Paratë që duhet të shkonin për rritjen e pagave, pensioneve dhe ndihmës ekonomike, banda e Rilindjes në Qeveri po i grabit nëpërmjet inceneratorëve, konçensioneve dhe tenderave sekretë. /InLajmi/
