Djemtë e dëshmorit Beqir Gashit, Ismeti dhe Shpëtimi kanë publikuar këngën e re, e cila titullohet “Na jem ti”, shkruan InLajmi.
Kjo këngë është dedikim për të gjithë dëshmorët e kombit dhe familjet e tyre, të cilët sot i kujtojnë me krenari. Ismeti dhe Shpëtimi përmes kësaj kënge, e cila për ta është autobiografike synojnë të përcjellin te dëgjuesit historinë e mijëra fëmijëve që mbeten pa babain e tyre gjatë luftës në Kosovë për liri e pavarësi.
Kjo këngë përveç emocioneve të forta, përcjell në mënyrë të veçantë edhe ndjesitë që ka përjetuar çdo familje e dëshmorit, kur të dashurit e tyre nuk u kthyen më nga lufta për liri.
E veçanta e këngës është teksti i saj, i cili është shkruar nga njëri prej themeluesve të UÇK-së, Rexhep Selimi, i cili ka qenë bashkëluftëtar me Beqir Gashin.
Kënga u mundësua nga Oneditor ndërsa muzika dhe orkestrimi është mundësuar nga Hysni Klinaku. /InLajmi/
https://www.youtube.com/watch?v=ay8LsMedSrA
