Kryetari i Prishtinës, Përparim Rama ka qenë për vizitë në Emiratet e Bashkuara Arabe ku ka takuar kryesuesin e Departamentit të Shëndetësisë të këtij vendi, Sheikh Abdulla bin Mohammed bin Butti Al Hamed, përcjell InLajmi.
Kjo vizitë e Ramës në Abu Dhabi është bërë me qëllim që ky shtet të invesoj me donacione në projektet e Komunës së Prishtinës.
Vizitës së kryetarit Përparim Rama, iu është bashkangjitur edhe Ambasadori i Kosovës në EBA, z. Xhabir Hamiti.
Postimi i plotë i tij:
I nderuar të jem i ftuar i Kryesuesit të Departamentit të Shëndetësisë së Abu Dhabit, Shkëlqesisë së tij, Sheikh Abdulla bin Mohammed bin Butti Al Hamed, në vizitë zyrtare në kryeqytetin e Emirateve të Bashkuara Arabe, në Abu Dhabi.
Kjo vizitë, shoqëruar nga Ambasadori i Kosovës në EBA, z. Xhabir Hamiti, po realizohet me qëllim të tërheqjes së investimeve e donacioneve në projektet madhore për Prishtinën dhe zgjerimit të potencialit ekonomik të kryeqytetit dhe Kosovës në tërësi.
Jemi të përkushtuar në vendosjen e marrëdhënieve me kryeqendra botërore, veçanërisht në krjimin e partnerëve strategjik për zhvillimin e Prishtinës tonë!
#kryeqyteti/InLajmi/.