Shefi i Grupit Parlamentar të AAK-së, Besnik Tahiri, i ka kritikuar gjithë deputetët e Kuvendit të Kosovës për mos seriozitet pas zhvillimeve në pjesën veriore të Republikës së Kosovës, raporton InLajmi.
Tahiri i ka bërë thirrje Qeverisë që të merren masa urgjente për situatën në veri të Kosovës, teksa u shpreh se është i habitur me qasjen e Kurtit.
“Si deputetë nuk jemi serioz, nuk jemi duke e trajtuar gjendjen e jashtëzakonshme me asnjë seriozitet. Për AAK-në, nevoja për masa urgjente është të merret për sigurinë në vend. Sot kryeministri do duhej të raportojë këtu për partneritetin me SHBA-të. Kam një pyetje për deputet e VV-së: A është dashtë Kryeministri Kurti sot me ardhë me na tregu, se si është situata në veri të Kosovës? Unë jam i habitur me qasjen e Kurtit” tha Tahiri.
Ai ka folur edhe për krizën energjetike, ku ka fajësuar Qeverinë që gjendja në këtë sektor është duke u keqësuar.
Sipas Tahirit, veprimet e Qeverisë Kurti në lidhje me këtë çështje janë simbolike.
“Kërkesa për marrjen e masave emergjente, tash e 6 herë na tregon disa tregues. E para ka të bëjë me një pyetje hipotetike: A është ka dëshiron Qeveria që 20 muaj të mbaj gjendjen e jashtëzakonshme dhe rrjedhimisht, 6 herë radhazi të marë masa për këtë? Si është e mundur që për komisionin përkatës , Qeveria përmes Ministrisë të mos jep asnjë analizë, për gjendjen e energjisë elektrike? Kjo gjendje është duke u keqësuar dhe veprimet e Qeverisë janë simbolike” përfundoi Tahiri. /InLajmi/
