Pas miratimit të Ligjit për Masat e Përkohshmë të produketeve themelore në raste të veçanta, Ministria e Industrisë ka prezantuar produktet të cilat përfshihen në këtë ligj, përcjell InLajmi.
Në Ligjin për Masat e Përkohshme janë drithërat, mielli i grurit, orizi, vaji ushqimor i lulediellit, qumështi, kripa e kuzhinës, vezë , mishi, sheqeri, produktet e higjienës dhe lëndët për djegie.
Masat e tjera mbrojtëse në rase të veçanta të destabilizimit, sipas Ministrisë janë edhe:
– kufizimi i sasisë që i shitet konsumatorit brenda periudhës së caktuar;
– ndalimi i largimit nga shitja e produktit;
– caktimi i marzhës tregtare për shitjen me shumicë dhe pakicë;
– caktimi i çmimit maksimal të lejuar;
– detyrimi i operatorit ekonomik për të ruajtur pjesën e caktuar të stokut të produktit;
– detyrimi i operatorit ekonomik për t’u furnizuar dhe për të ofruar për shitje produktet themelore si para caktimit të masave mbrojtëse;
– ndalimi, kufizimi i eksportit;
Qëllimi kresor i këtij ligji është abuzimi i ngritjeve të çmimeve me qëllime të përfitimit.
Njoftimi i plotë nga Ministria e Industrisë, Ndërmarrësisë dhe Tregtisë:
Miratohet Ligji për Masat e Përkohshme të Produkteve Themelore në Raste të Veçanta të Destabilizimit në Treg
Sot, në seancën parlamentare u miratua Ligji për Masat e Përkohshme të Produkteve Themelore në Raste të Veçanta të Destabilizimit në Treg.
Ligji për Masat e Përkohshme të Produkteve Themelore në Raste të Veçanta të Destabilizimit në Treg, i draftuar dhe propozuar nga Ministria e Industrisë, Ndërmarrësisë dhe Tregtisë në bashkëpunim me akterët përkatës, zbatohet ndaj autoriteteve dhe operatorëve ekonomik që tregtojnë produkte themelore dhe ka për qëllim eliminimin e efekteve të rritjes së paarsyeshme të çmimeve si dhe mungesës së produkteve themelore në treg.
Produktet themelore në kuadër të këtij ligji janë: drithërat, miell gruri, buka, orizi, pastat, vaji ushqimor i lulediellit, qumështi, kripa e kuzhinës, vezë pule, mishi i pulës, sheqeri kristalor, produktet e higjienës personale, lëndët e drurit për djegie. /InLajmi/
