Pas takimit me Kryeministrin Kurti dhe me liderët e partive të tjera opozitare, ditën e martë është deklaruar për media Kryetari i LDK-së, Lumir Abdixhiku, raporton InLajmi.
Ai tha se LDK e ka shprehur gatishmërinë për bashkëpunim, nëse ruhen raportet më aleatët e Kosovës.
Abdixhiku gjithashtu tha se në takim Kryeministri Kurti nuk shpalosi ndonjë plan konkret, por thjesht është diskutuar lidhur me situatën në veri.
“Nuk kuptuam diçka të re, as ndonjë plan konkret për zgjidhjen e situatës, as gatishmëri për koordinim me aleatët ndërkombëtar, që është zgjidhja e vetme aktualisht” tha ia.
Kryetari i LDK-së shtoi se në koordinim me SHBA-të dhe Brukselin, Qeveria e Kosovës do ta ketë mbështetjen e plotë të partisë së tij.
“Kërkojmë koordinim të plotë më aleatët tanë dhe ofrojmë mbështetjen e plotë në lidhje me këtë” përfundoi ai.
Kujtojmë së ky takim u zhvillua vetëm me praninë e kryetarit të PDK-së dhe LDK-se, sepse ai i AAK-së Ramush Haradinaj doli nga takimi pas 30 minutash. /InLajmi/
