Situata në veri është e tensionuar si rezultat i vendimit të Qeverisë për konvertimin e targave në RKS, zbatimi i të cilit do të bëhet parcialisht në faza, vendim ky i cili del të jetë kundrejt kërkesës së BE-së dhe SHBA-ve kryekuvendari , Glauk Konjufca, thotë se marrëdhëniet me Shtetet e Bashkuar atë Amerikës janë të mira dhe stabile, raporton InLajmi.
“Marrëdhëniet me SHBA-në janë të mira dhe janë stabile. Ne gjithçka që na kërkohet nga SHBA-ja ne ulemi dhe i shqyrtojmë me ta”, është shprehur Konjufca.
Sipas tij, refuzimi i institucioneve të Kosovës është plani B i Serbisë kundrejt Kosovës.
“Republika e Serbisë e ka refuzuar planin franko-gjerman. Është munduar të realizojë planin për Asociacion me kompetenca ekzekutive, e ka kuptuar që nuk mund ta realizojë me dialog e me planin franko-gjerman. Refuzimi i institucioneve është Plani B i Serbisë. Do të dështojë edhe plani B”, tha i pari i legjislativit të vendit.
Tutje, Konjufca ka folur edhe për zgjedhjet e reja, ndërsa ka shtuar se ato nuk janë në të mirë të vendit.
“S’kisha pasur dëshirë të mendoj se Aleksandër Vuçiq mund ta çojë Kosovën në zgjedhje kurdo që ai dëshiron”,u shpreh Konjufca, duke shtuar se planet e Vuçiqit nuk do i toleron spektri politik në vend.
“Këtu te jemi të qartë, nëse ky ka qenë qëllimi i Serbisë dhe i Vuçiqit që të shkaktojë zgjedhje në Kosovë, apo ndonjë lloj destabilizimi, apo zgjedhjet si rezultat i destabilizimit edhe i sfidimit të situatës së sigurisë në Kosovës, atëherë mendoj që kjo jo vetëm që nuk është e mundshme por besoj që edhe i gjithë spektri politik është i bashkuar në Kosovës, që kjo është e palejueshme dhe e patolerueshme”, theksoi Konjufca. /InLajmi/
