Një aeroplan i “Precision Air” është rrëzuar në liqenin Viktoria në Tanzani teksa po përpiqej të ulej në një aeroport për shkak të motit të keq, transmeton InLajmi.
Një zyrtar tha se 26 persona ishin shpëtuar deri më tani të dielën, por nuk dihet nëse ka ndonjë të vdekur.
Komisioneri rajonal Albert Chalamila tha se 43 persona – përfshirë 39 pasagjerë, 2 pilotë dhe 2 ekuipazh të kabinës ishin në bordin e avionit.
“Ndërsa flasim, ne kemi arritur të shpëtojmë 26 persona që u dërguan në spitalin tonë referues,” tha Chalamila. “Operacioni i shpëtimit është ende në vazhdim dhe ne po komunikojmë me pilotët”.
Avioni u nis nga kryeqyteti tregtar, Dar-es-Salaam, dhe ra në liqenin Victoria këtë mëngjes për shkak të stuhisë dhe shirave të dendur në Bukoba.
Raportet e lajmeve treguan foto të aeroplanit kryesisht të zhytur në liqen me bishtin e tij të gjelbër dhe ngjyrë kafe të dukshme mbi vijën e ujit, shkruan Aljazeera.
Sipas komandantit të policisë në Bukoba, avioni është rrëzuar për shkak të motit të keq dhe mjegullës. /InLajmi/
