Një person vdiq në Oklahoma dhe disa të tjerë u lënduan pasi një tornado goditi shtetin të premten, transmeton InLajmi.
Guvernatori i Oklahomas, Kevin Stitt tha se ai “po lutej për banorët e Oklahomas të prekur nga tornadot, që ndodhen sot”.
Ai shtoi se ekipet e shpëtimit po dërgoheshin në zone.
Në rajonin e Dallas gjithashtu u bënë paralajmërime të shumta për tornado.
“Kushtet atmosferike janë të favorshme për stuhi të forta,” tha Shërbimi Kombëtar i Motit.
Të paktën 10 persona u lënduan pasi një tornado e konfirmuar përfshiu Lamar County, Teksas, tha zyra e sherifit. Ata po trajtoheshin në një spital lokal. 2 persona ishin në gjendje kritike që nga e premtja mbrëma.
Të paktën 50 shtëpi u dëmtuan ose u shkatërruan në qark, sipas zyrës së sherifit. Një fatkeqësi është shpallur në qark, shkruan Abc.News.
Një tornado u vu re gjithashtu pranë Sulfur Springs në Hopkins County, Teksas. /InLajmi/
