Kryeministri i Shqipërisë, Edi Rama nga Mallakastra ku ndodhej këtë të shtunë, u shpreh i lumtur që po bie shi, jo për bereqetin, por për situatën energjitike. Duke theksuar varësinë e Shqipërisë nga reshjet, Rama theksoi se vendi është në një proces transformimi.
Është e rëndësishme që të jemi të bashkuar tha kryeministri, pavarësisht bindjeve politike.
Sot jemi pjesë e një bote që është në luftë. Kërkohet vullneti për tu bashkuar dhe secili në këtë bashkim mban pjesën e vet. Është një bashkim ku secili vjen me madhësinë e vet dhe merr edhe të ardhurat. Nga ana tjetër, tha kryeministri agroturizmi duhet të marrë fuqi shumë të madhe.
Rama bëri me dije se sot Shqipëria është në kushtet kur deri në fund të vitit mund të regjistrohen 500 milionë eksporte.
Ai i sfidoi të gjithë ata që punojnë në Greqi dhe Itali, që të shikojnë se sa fitojnë atje e sa mund të marrin në fushën e Lushnjës, shkruan Abc.News.al.
Sot eksportojmë më shumë, por mund të bëjmë shumë më tepër. Ama këto eksporte janë produkte të njerëzve që po ia shohin hajrin punës në bujqësi. Ne duam të arrijmë në 1 miliard eksporte në fund të kësaj dekade. Unë i sfidoj ata që punojnë në Greqi dhe Itali të shikojnë sa marrin atje nga italianët dhe grekët dhe të shikojnë se sa marrin në fushën e Lushnjës. Tha njëri në Lushnje ne nuk i deklarojmë pagat se janë më të larta që japim.
