Në 6-vjetorin e vdekjes së aktivistit të Lëvizjes Vetëvendosje, Astrit Dehari, janë bërë homazhe te varri i tij në Zllatar, raporton InLajmi.
E pranishme ishte edhe ministrja e Drejtësisë, Albulena Haxhiu, e cila tha se drejtësinë të cilën e duam për Astritin nuk e kemi, e për këtë përgjegjësinë ia la prokurorisë duke shtuar se ajo duhet të hetojë rrethanat që kanë sjellë vdekjen e tij.
Tutje Haxhiu theksoi se Dehari ishte marrë në paraburgim, duke iu veshur një vepër që nuk e ka bërë prej nga edhe nuk doli më i gjallë nga aty.
Do të donim të kishim drejtësi për Astritin, por fatkeqësisht nuk e kemi, këtu e mban përgjegjësinë prokuroria, sepse është përgjegjëse për hetimin e zbardhjes së rrethanave që kanë sjellë te vdekja e tij. Ishte marrë në paraburgim duke ia veshur një vepër që nuk e ka bërë, dhe nuk doli nga aty i gjallë.
Ministrja tha se prokurori special ka një neglizhencë të theksuar, pasi sipas saj ai nuk po flet për rastin dhe po injoron çdo kërkesë që e ka familja apo edhe avokati mbrojtës.
Ka një neglizhencë të theksuar nga ana e prokurorit special, ai nuk flet për rastin, nuk flet për veprimet që i ka ndërmarrë dhe thjesht e injoron çdo kërkesë që e ka familja apo edhe avokati mbrojtës. Thërras që në qoftë se ka neglizhencë të kësaj lënde të ndërrohet prokurori i rastit ose të formohet një ekip prokurorësh për zbardhjen sa më të shpejt të rasti. /InLajmi/
