Anëtarja e Partisë Socialdemokrate PSD, Teutë Rrusta, nuk pajtohet me mënyrën e reagimit publik për rastin e infermieres Aurona Pelajt, posterat e të cilës janë shpërndarë në rrugët e qytetit, përcjell InLajmi.
Sipas saj, veprimi i tillë është i padrejtë e persekutues.
Rrusta derisa reagon për veprimin e tillë, pyet se a mundet thirrja për drejtësi të tingëlloj kështu.?
Ajo thotë se nuk pajtohet kurrsesi me këtë formë ndëshkimi.
Postimi i plotë i saj:
“A ta varim në shesh?
Nuk mundem në asnjë mënyrë me u pajtu me këtë formë ndëshkimi publik. Ky është persekutim.
A mundet thirrja për drejtësi me tingëllu kështu? Assesi jo. Një qasje e tillë as nuk i ndihmon viktimës. Për më tepër krejt ngjarja është përcjellur me pamje të viktimës, aspak etike.
Është i kuptueshë zemërimi, dhe mirë që ka indinjatë. Por reagimet, marrë së bashku e krijojnë imazhin e personit që po kritikohet.
Kjo është e padrejtë.” /InLajmi/
