Në nderim të 33-vjetorit të rënies së 2 dëshmorëve Fahri Fazliu dhe Afrim Zhitia zyrtarë institucionesh, bashkëluftëtarë e familjarë bënë homazhe te varrezat e tyre në Velani në Prishtinë, raporton InLajmi.
Homazhe në kujtim të dëshmorëve, bëri edhe kryekuvendari Glauk Konjufca i cili tha se Zhitia e Fazliu ishin shembull se si jepet jeta për lirinë e vendit.
Tutje theksoi Konjufca se 2 dëshmorët ishin përveç shembull edhe frymëzim që mijëra djem e vajza t’i bashkohen UÇK-së.
“Erdhëm për t’i bërë nderimet për heronjtë tanë që e dhanë shembullin më të vyer se si jepet jeta për lirinë e atdhetar sepse ata i luftuan forcat e okupatorit”, u shpreh Konjufca, duke shtuar se ata i dhanë frymë rinisë për liri.
“Ishin shembull që frymëzoi edhe brezat më pas. E mijëra djem e vajza u bashkuan në UÇK duke e përjetuar shembullin e tyre se si me pushkë në dorë duhet t’i dilet përpara okupatorit. Sa të ketë gjallë popull shqiptar ata do të kujtohen e do të nderohen”, tha kryekuvendari Konjufca.
Fahriu dhe Afrimi ranë më 2 nëntor të vitit 1989, në Bregun e Diellit në Prishtinë, pas një luftimi të me forcat e armikut.
