Ministri i Mbrojtjes, Armend Mehaj, ndihet krenar për angazhimet e pjesëtarëve të Forcës së Sigurisë së Kosovës, ndërsa nuk hamendësohet dhe prehër tregon për suksesin dhe trajnimet që ndjekin ata, përcjell InLajmi.
Këtë here ministri Mehaj, ka bërë të ditur se pjesëtarët, gjegjësisht kadetët e rinj të FSK-së janë duke realizuar stërvitjen ushtarake fushore e quajtur “Putra e Ujkut” .
Tutje ka shtuar ai se në këtë stërvitje Klasa 2026 demonstruan shkathtësitë në lidership personal dhe mësuan veprimet taktike si grup.
Postimi i plotë i tij:
Kadetët tanë të vitit të parë sfidohen në Stërvitjen fushore “Putra e Ujkut”.
Gjatë kësaj stërvitje Klasa 2026 demonstruan shkathtësitë në lidership personal dhe mësuan veprimet taktike si grup.
Operimi në terren i sfidoi edhe në realizimin e higjienës fushore, administrimin e pajisjeve fushore si dhe identifikimin pozicioneve luftuese taktike. Klasa 2026- Trup hekur, zemër atdhe!/InLajmi/
