Ministër i Mbrojtjes së Kosovës, Armend Mehaj është takuar me komandantin e KFOR-it, gjeneralmajor Angelo Michele Ristuccia, nga i cili ka marrë garanci për ofrimin intensiv të sigurisë për vendin dhe qytetarët, përcjell InLajmi.
Minstri Mehaj, shpreh falënderime për kontributin e KFOR-it që jep për sigurinë e vendit, sikur edhe për bashkëpunimin e shkëlqyer deri më tani.
Ministri i Mbrojtjes, gjithashtu shprehu vullnetin shtetëror për të bashkëpunuar edhe më tej me KFOR-in në fushën e sigurisë.
Postimi i plotë i tij:
Bashkëpunimi i Ministrisë së Mbrojtjes dhe FSK-së me KFOR-in do të vazhdojë edhe më intenzivisht në shërbim të sigurisë së gjithë qytetarëve të vendit pa dallim
Në kuadër të bashkëpunimit ndërinstitucional, sot prita në takim komandantin e ri të KFOR-it, gjeneralmajor Angelo Michele Ristuccia.
Me këtë rast, Gjeneralin Ristuccia e falënderova dhe i shpreha mirënjohjen e lartë për kontributin e KFOR-it në shërbim të sigurisë së vendit dhe gjithë qytetarëve pa dallim.
Gjithashtu e njoftova edhe për të arriturat e deritashme të Ministrisë së Mbrojtjes dhe FSK-së, proceset zhvillimore aktuale si dhe synimet tona për të ardhmen.
Të dy ndamë përshtypjet e larta për bashkëpunimin e shkëlqyeshëm të deritashëm duke shprehur njëherit vullnetin e përbashkët që bashkëpunimi dhe koordinimi ynë 2 palësh të intensifikohet edhe më tej në të ardhmen, në kuadër të mandateve tona respektive. /InLajmi/
