Kryetari i Grupit Parlamentar të AAK-së, Besnik Tahiri, të enjten në seancën plenare të Kuvendit shprehu kritika të ashpra ndaj qeverisë, duke theksuar se po anashkalon zgjidhjen e problemeve që përmirësojnë jetën e qytetarëve, raporton InLajmi.
Tuje Tahiri, kujtoi me këtë rast se dikur për Kurtin prioritet ishte jeta e qytetarëve e dialogu ishte pika e 7-të, kurse tani tha ai, kjo agjendë ka lëvizur dhe dialogu është vënë në rend të parë.
“Agjenda politike ka lëvizë, ajo e Qeverisë sidomos për dialogun, nga pika e 7 ka kaluar në pikën e parë. Ligji për paga, që një muaj qeveria nuk është në gjendje me procedu këtë ligj. Është shumë mashtruese me vendosë një nen se Ligji i buxhetit do ta përcaktoj vlerën e koficientit, dhe sot mos të folët aspak rreth kësaj teme, se sa është koficienti. A është kjo strategji e qeverisë që mos me e pru në kohë ligjin për paga, në mënyrë që prapë me pasë shtyrje për ketë ligj. Tema e 2-të që dua të përmendi është iniciativa e deputetit Haxhiu, për trustin është duke pritur, kjo temë që i jep kuptim jetëve të njerëzve”, u shpreh Tahiri.
Sipas tij, Qeveria Kurti nuk ka realizuar as 3 punë që do ti jepnin kuptim jetës së qytetarëve, dhe kjo tregon se kjo qeverisje është më e dobëta që Kosova ka pasur ndonjëherë.
“Kjo qeveri nuk i ka kryer as tri punë, që i japin kuptim jetëve të qytetarëve, është qeveria më e dobët që e kemi pasur ndonjëherë. Ne mund të flasim për Lajçakun, për dialogun, por duhet të flasim sidomos për tema konkrete që i presin qytetarët nga ne”, tha Tahiri./InLajmi/
