Ministrja e Arsimit, Arbërie Nagavci, për shkakrkimin e ish-rektorit të Universitetit të Prishtinës, Naser Sahiti, tha se as ministria e as Qeveria nuk ndërhyjmë në autonominë e UP-së, raporton InLajmi.
Përndryshe, Nagavci tha se me ish-rektorin ka pasur bashkëpunim të mirë.
“Nuk kam pasur rast me pa çfarë ka deklaruar ish-rektori. Shpresoj që nuk ka thënë ndonjë gjë sepse nuk ka çfarë të thotë. Kemi pasur bashkëpunim dhe jemi munduar të adresojmë çështje të rëndësishme për UP. Unë dhe as Qeveria nuk ndërhyjmë në autonominë e UP”, tha Nagavci, duke shtuar se është gjë pozitive që Këshilli Drejtues të adresoj problemet.
“Është shumë e rëndësishme që Këshilli Drejtues të adresoj problemet që kanë ekzistuar në arsim. Së fundmi u konfirmuar që emërimi i ish-sekretarit paraqet shkelje ligjore. Vendimi është marrë me 8 vota për dhe 5 anëtarë që janë votuar kanë dhënë rezultat”, u shpreh ministrja.
Nagavci, ndërsa foli për emërimin e ushtruese së detyrës së rektores, ajo kujtoi se e njëjta nuk do të jetë kandidate për atë post.
“Ushtruesja e detyrës e ka marrë detyrën për 2 javë ditë dhe ka deklaruar se nuk do të kandidojë për pozitën e rektorit dhe nuk ka ndikim në procedura të mëtutjeshme”, tha Nagavci.
Por, kur flet për Selim Bezarajn, Nagavci thotë se emri i tij për plagjiaturë është përmendur pa të drejtë.
“Zoti Selim Bezeraj përpara se të jetë anëtar i Këshillit Drejtues është profesor. Është hipokrizi që për një persin që është folur 4 vjet nuk është ndërmarrë asgjë. Në momentin kur janë mbajtur zgjedhjet për Këshillin Drejtues edhe atëherë u lakua emri im pa të drejtë. Selim Bezeraj ka marrë më së shumti vota nga senati është momenti i fundit të kujdesemi për cilësinë në arsimin e lartë”, deklaroi e para e arsimit në vend./InLajmi/
